भारी वर्षाको सम्भावना रहेकाले उच्च सतर्कता अपनाउने सम्बन्धमा

बागमती प्रदेश सरकार आन्तरिक मामिला, व i pear मन्त्रालय BE : हेटौँडा, नेपाल भारी वर्षाको सम्भावना रहेकाले उच्च सतर्कता अपनाउने सम्बन्धमा नेपाल मौसम विज्ञान विभागले मिति २०८३ कार्तिक ९ गते जारी गरेको विशेष मौसमी बुलेटिनअनुसार बङ्गालको खाडीमा विकसित चक्रवात 'अर्णब' को प्रभावले कात्तिक १२ गते बिहीबारदेखि नेपालको मौसममा परिवर्तन हुने सम्भावना रहेको छ। विशेषगरी कार्तिक १३ गते शुक्रबार र १४ गते शनिबार बागमती प्रदेशका धेरै स्थानमा मेघगर्जन, चट्याङ तथा हावाहुरीसहित मध्यम वर्षा र केही स्थानमा भारी वर्षा हुन सक्ने पूर्वानुमान गरिएको छ। उक्त अवधिमा नदी तथा खोलामा पानीको बहाव बढ्ने, आकस्मिक बाढी, पहिरो, गेग्रान बहाव तथा डुबान हुन सक्ने र सडक तथा हवाई यातायात प्रभावित हुन सक्ने जोखिम रहेको छ। सम्भावित जनधनको क्षति तथा कृषि र पर्यटनलगायतका क्षेत्रमा पर्न सक्ने असरलाई कम गर्न आमनागरिक तथा सम्बन्धित सबै निकायलाई देहायबमोजिम सावधानी र पूर्वतयारी अपनाउन आन्तरिक मामिला, कानून तथा सहकारी मन्त्रालय अनुरोध गर्दछः ० काट्न तयार भएका धानलगायतका बाली सम्भव भएसम्म कार्तिक १२ गतेअगावै भित्र्याउने र्‌ काटिसकेको बाली सुरक्षित तथा ओभानो स्थानमा राख्ने। पशुचौपाया, बीउबिजन र खाद्यान्नसमेत सुरक्षित राख्ने । ० उच्च पहाडी तथा हिमाली क्षेत्रमा पदयात्रा र पर्वतारोहणमा जाने कार्यक्रम मौसम अनुकूल नभएसम्म स्थगित गर्ने। यात्रामा रहेका पर्यटक तथा सहयोगीहरू सुरक्षित स्थानमा बस्ने र सम्बन्धित निकायको सल्लाहअनुसार मात्र यात्रा अघि बढाउने | ० नदी तथा खोला किनार, पहिरोको जोखिम भएका भिरालो जमिन र डुबान हुन सक्ने क्षेत्रमा विशेष सतर्कता अपनाउने। बाढी आएको खोला तथा डुबान भएको सडक पार नगर्ने। चट्याङ तथा हावाहुरीका बेला खुला स्थान, एक्लो रूख र विद्युत्‌ पोलको नजिक नबस्ने तथा सुरक्षित भवनभित्र आश्रय लिने। ० अत्यावश्यक अवस्थामा बाहेक लामो दूरी तथा रातिको समयमा यात्रा नगर्ने। यात्रा गर्नुअघि मौसम र सडकको अवस्थाबारे जानकारी लिने तथा जोखिमयुक्त सडकमा सवारी नचलाउने | ० जल तथा मौसम विज्ञान विभाग, सम्बन्धित सरकारी निकाय, स्थानीय तह तथा सुरक्षा निकायबाट जारी हुने आधिकारिक पूर्वानुमान, पूर्वसूचना र चेतावनीबारे नियमित जानकारी लिने तथा निर्देशनको पालना गर्ने । अपुष्ट सूचना प्रसार नगर्ने। प्रदेश सरकारका सम्बन्धित निकाय, स्थानीय तह, सुरक्षा निकाय, स्वयंसेवक तथा अन्य सरोकारवाला सबैलाई आवश्यक पूर्वतयारीसहित सतर्क अवस्थामा रहन र जोखिममा रहेका नागरिकलाई समयमै सुरक्षित स्थानमा स्थानान्तरण गर्न अनुरोध गरिन्छ। मौसमसम्बन्धी जानकारीका लागि: ११५५, बिपद्‌ सहायताः १२३४, नेपाल प्रहरीः १००, सशस्त्र प्रहरी बल, नेपालः १११४ विपद्‌ पूर्वसूचनाको पालना गरौं, जनधनको सुरक्षा गरौं। प्रकाशित मितिः २०८३ कार्तिक १० गते, मङ्गलबार फोन नं.:०५७-५ २७५१२, ०५७-५ २७५ १३ , ईमेल: [email protected], [email protected] वेभ साईट: moial.bagamati.gov.np, mocpa.bagamati.gov.np