प्रधानाध्यापक छनौट तथा व्यवस्थापन कार्यविधि २०८३

प्रधानाध्यापक छनौट तथा व्यवस्थापन कार्यविधि, २०८३ कार्यपालिकाबाट स्विकृत मिति: २०८३।०५।०६ प्रमाणिकरण मिति: २०८३।०५।११ पहिलो शंसोधन मिति: २०८३।०५।२८ फेदाप गाउँपालिका क्षेत्रभित्रका सामुदायिक विद्यालयको प्राज्ञिक व्यवस्थापकीय तथा प्रशासनिक जिम्मेवारी निर्वाह गरी विद्यालयको प्रमुख कार्यकारी पदाधिकारीको रुपमा नेतृत्व गर्ने प्रधानाध्यापक छनौट तथा व्यवस्थापन गर्न सक्षम योग्य दक्ष र शिक्षण सुधारमा बढी झुकाव भएको शिक्षकलाई प्रधानाध्यापकका रुपमा नियुक्ति गरी विद्यालयको व्यवस्थापनमा सुधार गर्दै शिक्षाको गुणस्तर सुधार गर्न आवश्यक भएकोले स्थानीय सरकार सञ्चालन ऐन २०७४ को दफा १०२ को उपदफा २ र फेदाप गाउँपालिकाको आधारभूत तथा माध्यमिक शिक्षा ऐन, २०७५ ले दिएको अधिकार प्रयोग गरी फेदाप गाउँपालिकाको गाउँकार्यपालिकाले प्रधानाध्यापक छनौट तथा व्यवस्थापन कार्यविधि, २०८३ जारी गरेको छ। १. संक्षिप्त नाम र प्रारम्भ: १) यो कार्यविधिको नाम प्रधानाध्यापक छनौट तथा व्यवस्थापन कार्यविधि, २०८३ रहेको छ। २) यो कार्यविधि फेदाप गाउँपालिका क्षेत्रभित्रका विद्यालयहरूमा प्रधानाध्यापक छनौट तथा व्यवस्थापन गर्न लागू हुनेछ | ३) यो कार्यविधि कार्यपालिकाले पारित गरी प्रमाणिकरण भएको मितिदेखि लागु हुनेछ | २. परिभाषा १) बिषय वा प्रसङ्गले अर्को अर्थमा नलागेमा यस कार्यविधिमा; क) "गाउँपालिका" भन्नाले फेदाप गाउँपालिका पोक्लावाङ तेह्रथुम सम्झनुपर्छ । ख) "ऐन" भन्नाले शिक्षा ऐन २०२८ सम्झनुपर्छ | ग) "शिक्षा ऐन" भन्नाले फेदाप गाउँपालिकाको आधारभूत तथा माध्यमिक शिक्षा ऐन, २०७५ सम्झनुपर्छ | घ) "नियमावली" भन्नाले शिक्षा नियमावली २०५९ सम्झनुपर्छ । S) "कार्यविधि" भन्नाले प्रधानाध्यापक छनौट तथा व्यवस्थापन कार्यविधि, २०८२ सम्झनुपर्छ | च) "कार्यपालिका" भन्नाले फेदाप गाउँपालिकाको गाउँ कार्यपालिका सम्झनुपर्छ । छ) "सामुदायिक विद्यालय" भन्नाले नेपाल सरकारबाट नियमित रूपमा अनुदान पाउनेगरी अनुमति वा स्वीकृति प्राप्त विद्यालय सम्झनुपर्छ | ज) "संस्थागत" विद्यालय भन्नाले नेपाल सरकार वा स्थानीय तहबाट नियमित रुपमा अनुदान नपाउने गरी अनुमति वा स्वीकृति प्राप्त विद्यालय सम्झनुपर्छ | झ) "विद्यालय व्यवस्थापन समिति" भन्नाले प्रचलित कानुन बमोजिम विद्यालय व्यवस्थापन गर्न गठित समिति सम्झनुपर्छ | ज) "प्रधानाध्यापक" भन्नाले शिक्षा नियमावली २०५९ को नियम ९३ तथा कार्यविधि बमोजिम नियुक्त विद्यालयको प्रधानाध्यापक सम्झनुपर्छ । ट) "शिक्षक" भन्नाले विद्यालयमा सिकाई सहजीकरण गर्न नियुक्त प्राध्यापकलाई सम्झनुपर्छ र सो शब्दले प्रधानाध्यापकलाई समेत जनाउँदछ । ठ) "अधिकृत" भन्नाले संघीय सरकार, प्रदेश सरकार वा स्थानीय तहमा कार्यरत अधिकृतस्तरको स्थायी कर्मचारीलाई सम्झनुपर्छ | ड) "छनौट समिति" भन्नाले विद्यालयमा प्रधानाध्यापक नियुक्तिका लागि प्रधानाध्यापक छनौट तथा व्यवस्थापन कार्यविधि, २०८३ को दफा (८) बमोजिम गठन भएको समितिलाई सम्झनुपर्छ । ३. प्रधानाध्यापक विद्यालयको प्रमुख हुनेः १) विद्यालयको प्राज्ञिक तथा प्रशासनिक प्रमुखको रुपमा कार्य गर्न प्रत्येक विद्यालयमा एकजना प्रधानाध्यापक रहनेछ | २) प्रधानाध्यापकले विद्यालयको समग्र प्राज्ञिक व्यवस्थापकीय तथा प्रशासनिक उत्तरदायित्व बहन गर्नुपर्नेछ । ४. सूचना प्रकाशन गर्नेः १) प्रधानाध्यापकको नियुक्तिका लागि गाउँपालिकाले फेदाप गाउँपालिका भित्रका सबै सामुदायिक विद्यालयमा एकैपटक वा चरणबद्ध रूपमा हुनेगरी सूचना प्रकाशन गर्न सक्नेछ । २) सूचना प्रकाशन गर्दा विद्यालय विकास प्रस्ताव प्रस्तुतिकरण, छलफल, अन्तर्वार्ताको मिति र समय उल्लेख गर्नुपर्नेछ । ५, दरखास्त दिनेः १) दफा ४ बमोजिम सूचना प्रकाशन भएपछि विद्यालयमा प्रधानाध्यापक पदमा उम्मेदवार हुन इच्छुक शिक्षकले तोकिएको समय सीमा भित्र अनुसूची १ र २ मा तोकिएको ढाँचाको आवेदन फारम गाउँपालिकाबाट लिएर भर्नुपर्नेछ। २) भरिएको फारम साथ अनुसूची ३ बमोजिमको ढाँचामा विद्यालय विकास प्रस्ताव, शैक्षिक योग्यता र तालिम प्रमाणपत्रका प्रतिलिपिहरु, स्थायी नियुक्ति र बढुवा नियुक्तिका प्रतिलिपिहरु, अनुभवको प्रमाणपत्र सहित गाउँपालिकामा तोकिएको समय सीमाभित्र पेश गर्नुपर्नेछ । ३) विद्यालय विकास प्रस्ताव आफू कार्यरत विद्यालयसँग सम्बन्धित हुनुपर्नेछ | ४) प्रधानाध्यापकका रूपमा अन्य विद्यालयमा नियुक्ति भएका शिक्षकले नियुक्ति भएको एक महिनाभित्र विद्यालय विकास प्रस्तावलाई कामकाजमा खटाइएको विद्यालयसँग सम्बन्धित बनाई शिक्षा, युवा तथा खेलकुद शाखामा पेश गर्नुपर्नेछ । ५) जुन तहको प्रधानाध्यापक हुन चाहेको हो सोही तहका लागि विद्यालय विकास प्रस्ताव तयार गर्नुपर्नेछ । ६. दरखास्त View: १) विद्यालयमा प्रधानाध्यापक नियुक्ति हुन चाहने शिक्षकले देहाय अनुसारको दरखास्त शुल्क बुझाउनुपर्नेछ । क) आधारभूत तह (कक्षा १- ५) सञ्चालित विद्यालयका लागि रु. ५००।- ख) आधारभूत तह (कक्षा १-८) सञ्चालित विद्यालयका लागि रु. ८००।- ग) माध्यमिक तह सञ्चालित विद्यालयका लागि रु. १०००।-